ایک نیوز:چیف جسٹس پاکستان یحیی ٰآفریدی کی زیر صدارت جوڈیشل کمیشن کااجلاس ختم ہو گیا۔

ذرائع کے مطابق اجلاس میں جسٹس علی باقر نجفی کو سپریم کورٹ کاجج تعینات کرنے کا فیصلہ کیا گیا ہے، جسٹس علی باقر نجفی کو سپریم کورٹ جج تعینات کرنے کا فیصلہ اکثریت سے ہوا۔

جسٹس علی باقر نجفی کی بطور جج سپریم کورٹ تقرری 9ممبران کی اکثریت سے کی گئی، 4ممبران نے مخالفت میں ووٹ دیا۔

چیف جسٹس پاکستان یحییٰ آفریدی کی زیر صدارت جوڈیشل کمیشن اجلاس ڈھائی گھنٹے تک جاری رہا، اجلاس میں سپریم کورٹ میں دو ججز تعینات کرنے کیلئے غور کیا گیا ،اجلاس میں لاہور ہائی کورٹ کے پانچ سینئر ججز کے ناموں پر غور ہوا، اجلاس میں لاہور ہائیکورٹ کیلئے صرف ایک جج کے نام پر اکثریتی ووٹ سے فیصلہ ہوا۔

قائم مقام چیف جسٹس کی جگہ جوڈیشل کمیشن کے نئے ممبران کے تقرر کا فیصلہ ہوا،جسٹس ریٹائرڈ مقبول باقر کو سندھ سے ممبر جوڈیشل کمیشن تعینات کر دیا گیا، بلوچستان ہائیکورٹ سے جسٹس ریٹائرڈ نذیر لانگو جوڈیشل کمیشن کے ممبر تعینات کرنے کی منظوری دی گئی۔

اسلام ہائیکورٹ سے جسٹس ریٹائرڈ شوکت عزیز صدیقی، پشاور ہائی کورٹ سے جسٹس ریٹائرڈ شاکر اللہ جان ممبر جوڈیشل کمیشن تعینات کئے گئے،جوڈیشل کمیشن نے جسٹس علی باقر نجفی کو سپریم کورٹ کا جج تعینات کرنے کی سفارش کردی۔

جسٹس علی باقر نجفی کی تعیناتی کی منظوری اکثریت کی بنیاد پر کی گئی، جوڈیشل کمیشن نے جسٹس شجاعت علی خان سے متعلق ریمارکس حذف کرنے کی منظوری دی،جوڈیشل کمیشن نے جسٹس شجاعت علی خان سے متعلق حذف کرنے کی متفقہ طور پر منظوری دی گئی۔